Har tashrifda tekshirilmaydi
JSST homiladorlikda kamida sakkizta antenatal kontaktni tavsiya qiladi, laboratoriya gemoglobini esa ulardan faqat ayrimlarida o'lchanadi. II–III trimestrda rivojlanadigan anemiya keyingi tahlilgacha ko'rinmay qoladi.
Ilmiy-tadqiqot platformasi · 1-bosqich: ma'lumot yig'ish davom etmoqda
Homiladorlarda anemiyani smartfon tasviri orqali noinvaziv skrining qilish
NivaMed — beshta bioindikator tasvirlari va laboratoriya qon tahlili asosida tekshirilgan, psevdonimlashtirilgan dataset yig'ish platformasi. Maqsad — sun'iy intellekt modelini o'qitish va laboratoriya yetib bormaydigan joyda ham har bir antenatal tashrifda anemiyani erta aniqlashga yordam beradigan skrining vositasini yaratish.
- ≈ 37 %
- homilador ayollarda anemiya (JSST, global)
- 5
- bioindikator: konyunktiva, kaft, tirnoq, lab, til
- 10
- rasm har bir tashrifda, siqilmasdan
- CBC
- har tashrif laboratoriya tahlili bilan tasdiqlanadi
Etika qo'mitasi qarori LEK-002/2026
Ma'lumotlar O'zbekistonda saqlanadi
Psevdonimlashtirilgan dataset
Skrining — tashxis emas
Muammo
Anemiya ko'p uchraydi, ammo kech aniqlanadi
Jahon sog'liqni saqlash tashkiloti ma'lumotlariga ko'ra, dunyoda homilador ayollarning taxminan 37 foizi anemiyadan aziyat chekadi. Anemiya ona va bola uchun jiddiy asoratlar xavfini oshiradi.
Laboratoriya tahlili har doim ham qo'l ostida emas: qishloq joylarda, birlamchi tibbiy yordam bosqichida va uy sharoitida erta belgilar ko'pincha e'tibordan chetda qoladi.
Asoratlar
- Muddatidan oldin tug'ruq
- Kam vaznli chaqaloq
- Tug'ruqdagi qon ketish
37%
- 8
- antenatal kontakt — JSST tavsiyasi (2016)
- 110 g/L
- homiladorlikda JSST anemiya chegarasi (II trimestrda 105)
Laboratoriya — tor bo'g'in
Venadan qon olish uchun tayyorlangan xodim, namunani tashish va natija uchun qayta kelish kerak. Qishloqda va uyga tashrifda bu halqa klinik jihatdan kerakli muddatdan uzoqroq cho'zilishi mumkin.
Kech aniqlash qimmatga tushadi
Tug'ruq paytidagi anemiya muddatidan oldin tug'ruq, kam vazn va tug'ruqdan keyingi qon ketish xavfi bilan bog'liq. Temir preparatlari yordam beradi, lekin ta'siri uchun kunlar emas, haftalar kerak.
Yondashuv
Rang — asosiy signal
Anemiyaning ko'zga ko'rinadigan belgilari — konyunktiva, kaft, tirnoq, lab va til rangi — oddiy smartfon kamerasi bilan suratga olinadi. Har bir tashrif laboratoriyada qon tahlili (CBC) bilan tasdiqlanadi. Model shu juftliklar asosida o'qitiladi.
01
Konyunktiva
ikkala ko'z · pastki qovoq
RGB · uzun tomoni ≥ 2000 px02
Kaft
ikkala qo'l · ochiq kaft
RGB · uzun tomoni ≥ 2000 px03
Tirnoq
o'ng ko'rsatkich barmoq
RGB · uzun tomoni ≥ 2000 px04
Lab
keng va yaqin plan
RGB · uzun tomoni ≥ 2000 px05
Til
keng va yaqin plan
RGB · uzun tomoni ≥ 2000 pxJarayon
Rasmdan datasetgacha
Har bir yozuv olti bosqichdan o'tadi. Nomuvofiq yozuv reviewer qarorisiz datasetga kirmaydi.
- 01
Suratga olish
Web forma yoki Telegram bot orqali; asl fayl siqilmasdan yuboriladi.
- 02
Avtomatik sifat nazorati
Xiralik (Laplacian variance), ekspozitsiya klippingi va o'lcham tekshiriladi.
- 03
Qon tahlili
Laboratoriya CBC natijasi kiritiladi va beshta eritrotsit indeksi identifikatori bo'yicha tekshiriladi.
- 04
Reviewer ko'rib chiqadi
Klinik reviewer rasm va tahlilni tasdiqlaydi, qaytaradi yoki rad etadi.
- 05
Datasetga kiradi
Faqat tasdiqlangan, psevdonimlashtirilgan yozuvlar eksport qilinadi.
- 06
Model o'qitish
2-bosqich: tasvir → gemoglobin bahosi; dala sharoitida skrining vositasi.
Sifat va ilmiy qat'iylik
Rasm sifati va qon tahlili muvofiqligi avtomatik tekshiriladi. Nomuvofiq yozuvlar reviewer tasdig'isiz datasetga kirmaydi.
- Laplacian
- xiralik ko'rsatkichi har rasm uchun
- % klipping
- ortiqcha yoritilgan piksellar ulushi
- 5 identifikator
- Hb, MCV, MCH, MCHC, Hct muvofiqligi
- 100 %
- yozuvlar reviewer tasdig'idan o'tadi
Ilmiy asos
Muvofiqlik tekshiruvi nimaga asoslanadi
Quyidagi uchta grafik qon tahlili muvofiqlik tekshiruvining asosini va o'lchangan samaradorligini ko'rsatadi.
Muvofiqlik tekshiruvining sezgirligi
Asosiy komponentlar tahlili
CBC ko'rsatkichlari orasidagi bog'liqlik
Usul: CBC identifikatorlariga asoslangan muvofiqlik tekshiruvi va xatolik kiritish tajribasi. Ma'lumot to'plami va yozuvlar soni nashrda keltiriladi.
Hisobot tamoyillari
Noqulay raqamlarni ham e'lon qilamiz
Rasm orqali anemiya skriningida yuqori natijalar ko'pincha boshqa qurilma va kogortada takrorlanmaydi — pastdagi jadvalda bizning modelimiz ham shunday. Shuning uchun to'rtta qoidaga amal qilamiz.
- 01
Har doim baseline bilan
Har bir aniqlik ko'rsatkichi rasmga qaramasdan kogorta o'rtachasini aytish natijasi yonida beriladi. Undan yaxshi bo'lmagan model "ishlaydi" deb e'lon qilinmaydi.
- 02
Bir ishtirokchi — bitta foldda
Kross-validatsiya rasm bo'yicha emas, ishtirokchi bo'yicha bo'linadi. Aks holda model bir odamning teri va shilliq qavat rangini yodlab oladi va natija sun'iy yaxshi chiqadi.
- 03
Shubhali natija avval tekshiriladi
Kichik kogortada juda yuqori aniqlik — avvalo ma'lumot sizib chiqqanining belgisi. Bunday natija e'lon qilinishidan oldin tekshiriladi.
- 04
Manba har doim aytiladi
Sintetik yoki xorijiy ma'lumotdagi natija real bemorlardagi aniqlik sifatida ko'rsatilmaydi. Demo sahifasi model qaysi ma'lumotda o'qitilganini har safar yozadi.
Model holati: ochiq ma'lumotlardagi birinchi natijalar
2026-yil 28-sentabr holati| Ma'lumot | n | MAE, g/L | Baseline MAE | Sezgirlik | Xoslik |
|---|---|---|---|---|---|
| Eyes-defy-anemia · kattalar · Italiya, Hindiston | 215 | 13.7 | 19.9 | 79 % | 77 % |
| CP-AnemiC · 6–59 oylik bolalar · Gana | 710 | 14.3 | 18.0 | 92 % | 69 % |
| Ikkalasi birga · demo modeli | 925 | 14.9 | 20.3 | 88 % | 66 % |
| Kogortalar aro: Gana → Italiya, Hindiston | 710 → 215 | 28.3 | 29.0 | 73 % | 5 % |
Manbalar: Eyes-defy-anemia (Dimauro va hammualliflar, IEEE DataPort, CC BY-SA 4.0); CP-AnemiC (Mendeley Data, doi:10.17632/m53vz6b7fx.1, CC BY 4.0).
Protokol v1.0
Tasvir olish protokoli
Barcha ma'lumot yig'uvchilar bir xil protokolga amal qiladi — shunda dataset bir jinsli bo'ladi.
Talablar
Yorug'likkunduzgi, flash o'chiq
Masofa10–15 sm
O'lcham≥ 2000 px
Formatasl fayl, siqilmagan
- 110 ta rasm: 9 ta bioindikator + imzolangan rozilik formasi
- 2Kunduzgi yorug'lik, flash o'chiq, 10–15 sm masofa
- 3Asl fayl siqilmasdan yuboriladi (uzun tomoni ≥ 2000 px)
- 4Har bir rasm avtomatik sifat nazoratidan o'tadi: xiralik, ekspozitsiya, o'lcham
- 5Qon tahlili ichki muvofiqlik tekshiruvidan o'tadi (CBC identifikatorlari)
- 6Har yozuv tasdiqlangandan keyingina datasetga kiradi
Tez orada
Hamkor tashkilotlar
Hamkor klinikalar va tadqiqot markazlari ro'yxati rasmiy kelishuvlar imzolangach e'lon qilinadi.
Tez orada
Nashrlar
Maqola tayyorlanmoqda; DOI olingach shu yerda e'lon qilinadi.
Jamoa
Loyiha ustida kim ishlaydi
H
Humoyun OchilovTexnik rahbar, platforma muhandisi
M
MunisaTadqiqot rahbari (PI), klinik reviewer
Savollar
To'g'ridan-to'g'ri javoblar
Loyiha nima qila oladi va nima qila olmaydi — qisqa va ochiq.
NivaMed qon tahlilining o'rnini bosadimi?
Yo'q. Maqsad — skrining va saralash: qaysi homiladorga laboratoriya tahlili zarurligini ko'rsatish va gemoglobin qanday o'zgarayotganini kuzatish. Tashxis, temir bilan davolash va og'ir anemiya bo'yicha qarorlar faqat qon tahlili va shifokor asosida qabul qilinadi.
Hozir nima tayyor?
Ma'lumot yig'ish platformasi ishlaydi: web forma va Telegram bot, rasm sifati nazorati, CBC muvofiqlik tekshiruvi va reviewer tasdig'i. Gemoglobin modeli esa tajriba bosqichida: u ochiq xorijiy ma'lumotlarda o'qitilgan va O'zbekiston homiladorlarida hali tekshirilmagan. Uni demo sahifasida sinab ko'rish mumkin.
Homiladorlikning har bir trimestrida ishlaydimi?
Suratni istalgan muddatda olish mumkin. II trimestrda plazma hajmi oshgani uchun gemoglobin tabiiy ravishda pasayadi, shuning uchun JSST chegarasi ham o'zgaradi: I va III trimestrda 110 g/L, II trimestrda 105 g/L. Platforma har tashrifda trimestrni yozadi va natijani aynan shu chegara bilan solishtiradi.
Homiladorlik uchun xavfsizmi?
Suratga olish — oddiy fotosurat: igna ham, nurlanish ham yo'q, protokol bo'yicha chaqnoq ham o'chiq. Suratning o'zi jismoniy xavf tug'dirmaydi. Asosiy xavf — o'tkazib yuborilgan anemiya, shuning uchun laboratoriya tahlili asosiy bo'lib qoladi.
Teri rangi natijaga ta'sir qiladimi?
Qilishi mumkin. Konyunktiva, lab va til shilliq qavat bo'lgani uchun ularning rangiga teri pigmenti kamroq ta'sir qiladi, kaft va tirnoqqa esa ko'proq. Beshta sayt yig'ilgani uchun natijani har bir sayt bo'yicha alohida solishtirish mumkin. Model turli teri rangida bir xil ishlashi hali isbotlanmagan — buni klinik validatsiya ko'rsatishi kerak.
Suratni nima buzadi?
Aralash yoki rangli yoritish, chaqnoq aksi, telefon filtrlari, messenjerda siqish va xiralik. Protokol: kunduzgi yorug'lik, chaqnoq o'chiq, 10–15 sm masofa, asl fayl siqilmasdan. Xira, ortiqcha yoritilgan yoki kichik rasm avtomatik sifat nazoratidan o'tmaydi.
Rasmlar qayerga yuboriladi?
Tadqiqot platformasida rasmlar O'zbekiston hududidagi serverlarda saqlanadi va faqat NM-0001 kabi tadqiqot kodi bilan bog'lanadi; shaxsiy ma'lumotlar alohida shifrlangan xazinada turadi. Demo sahifasida esa rasm faqat modelga yuboriladi va saqlanmaydi.
NivaMed tibbiy buyum sifatida ro'yxatdan o'tganmi?
Yo'q. Tadqiqot etika qo'mitasi tomonidan ma'qullangan (LEK-002/2026), lekin NivaMed tibbiy buyum emas va klinik qaror uchun yagona asos bo'la olmaydi. Ro'yxatdan o'tishdan oldin model bir nechta klinika va qurilmada laboratoriya tahliliga nisbatan tekshirilishi kerak.
Hamkorlik
Loyihaga qo'shiling
Klinika, universitet yoki tashkilot sifatida loyihaga qo'shilmoqchimisiz? Siz — homilador ayollar kogortasi va laboratoriya tahlili, biz — protokol, platforma va ma'lumot yig'ish bo'yicha yo'riqnoma. Xabar qoldiring — bir necha kun ichida javob beramiz.
Kimni izlayapmiz
- Antenatal klinikalar va oilaviy poliklinikalar
- Universitetlar va tadqiqot markazlari
- Ona va bola salomatligi dasturlari
yoki to'g'ridan-to'g'ri yozing: info@nivamed.uz